Llyfr

Mae Gwyn Gwenyn wedi gwneud ffrindiau gyda’r Frenhines Dilia yng Nghoed y Mêl wrth i’w adain
wella. Mae’r Frenhines Dilia yn ymddiried yn Gwyn ac yn rhannu ei straeon gydag o. Mae’r Frenhines Dilia yn gofyn i Gwyn am ei help i arwain ei haid hi i gartref newydd. Dydi Gwyn ddim yn siŵr os ydi’r adain yn ddigon cryf ar gyfer gwaith mor arbennig, ac mae o’n poeni sut fydd ei fywyd yn newid. Mae teulu a ffrindiau Gwyn yn ei atgoffa pa mor arbennig ydi o, a pham y dewiswyd o ar gyfer y swydd bwysig hon.

Mae Gwenan Gwenyn yn deffro i ganfod fod ei ffrindiau, y gwenyn yng nghwch Coed y Mêl, wedi mynd yn sâl ar ôl yfed dŵr budr. Mae Gwenan yn llawn egni, ac yn mynd i chwilio am gyflenwad o ddŵr glân ffres i’r cwch. Mae’n hedfan i ffwrdd ar ei hantur, ac yn cyfarfod ffrindiau newydd ar hyd y ffordd. Mae Gwenan yn dysgu bod partneriaid a ffrindiau yn bwysig, ac wrth gydweithio, gallwch gyflawni llawer mwy na gweithio ar eich pen eich hun.

Stori ydi hon am y ffordd y gweithiodd yr efeilliaid Gwen a Gwenlli gyda’i gilydd i gael hwyl wrth geisio
byw’n iach. Mae’r efeilliaid yn cychwyn gweithgaredd cadw’n heini newydd sbon, ac yn darganfod ffordd
wreiddiol o wneud arian. Mae hyn yn gwneud iddyn nhw deimlo’n fentrus dros ben.

Mae Gwenan eisiau ei helpu ac yn mynd i’w gweithdy i greu dyfais a fydd yn helpu Sioni Mawr i neidio’n uchel yn y gwair hir i gadw rheolaeth ar y ceiliogod rhedyn ifainc.

Mae teulu’r Gwenyn o Goed y Mêl yn byw mewn cwch gwenyn o dan goeden afal. Maen nhw’n rhan o gymuned o greaduriaid yn yr ardal. Heddiw, byddan nhw’n ymweld â neuadd y dref i gael
cyfarfod rhai ohonynt a gwneud ffrindiau newydd. Maen nhw wedi dysgu sgiliau newydd i’w helpu i wneud ffrindiau newydd, ac maen nhw’n ymarfer y rhain yn y digwyddiad. Mae Glenda a Gwilym wedi gwneud cysylltiadau busnes da.

Caiff Ysbyty’r Eos ei sefydlu a’i rhedeg gan Ladi Goch a’i thîm o nyrsys buwch goch gota. Mae’r holl greaduriaid yn gweithio’n galed i sicrhau bod y gwenyn yn ddiogel ac yn iach. Mae Gwyn yn galw ar Gwenan a’r Athro Brynmor i’w helpu i wneud meddyginiaeth newydd i achub y gwenyn.

Mae nyth o gymdogion swnllyd yn symud i mewn ac yn tarfu ar heddwch cwch gwenyn Coed y Mêl. Mae’r gwenyn yn cael eu profi wrth iddyn nhw weithio gyda’i gilydd i ddatrys y broblem sy’n mynd yn fwy o faint ac yn fwy swnllyd bob munud! Mae creadigedd y gwenyn yn eu helpu i edrych ar ôl gwenynen sydd wedi anafu, ac maen nhw’n defnyddio cynnyrch cartref arloesol i wneud iddi deimlo’n well a mendio ei hadain. Mae’r gwenyn yn delio â sawl sefyllfa anodd, ac yn y diwedd yn dod â chymuned y gwenyn adre gyda’i gilydd yn ddiogel.

Mae storm ofnadwy ar ei ffordd i Goed y Mêl. Mae’r tywydd yn newid a’r gwynt a’r glaw ar fin llifo i gwm Coed y Mêl. Mae’r gwenyn a’r creaduriaid eraill yn gorfod symud eu teuluoedd a’u trysorau i le diogel rhag y storm. Mae Gwenan a Gwilym yn achub y dydd wrth ddylunio ac adeiladu lle diogel i’r holl greaduriaid gysgodi yn ddiogel rhag y storm.